काठमाडौं । भोलि शुक्रबार (चैत २० गते) तीन कम्पनीले साधारण सभा गर्दैछन् । भोलि डिप्रोक्स लघुवित्त, सर्पोट लघुवित्त र यूनाईटेड इर्दि मार्दी एण्ड हाइड्रोपावर कम्पनीले सभा गर्ने भएका हुन् ।
भोलि हुने सभामा डिप्रोक्स लघुवित्त सेयरधनीलाई १५ प्रतिशत बोनस शेयर र कर प्रयोजनार्थ ५ प्रतिशत नगद लाभांश दिने प्रस्ताव पारित गर्नेछ । कम्पनीले चैत ८ गतेदेखि १८ गतेसम्म बुक क्लोज गरेको छ ।
त्यस्तै, भोलि सर्पोट लघुवित्त वित्तीय संस्थाले पनि सभा गर्दैछ । सभामा लेखा परिक्षकको नियुक्ति र निजको पारिश्रमिक तोक्ने प्रस्ताव गरेको छ । साथै कुनैपनि बैंक तथा वित्तीय संस्थासंग मर्जर वा प्राप्ति गर्ने विषयमा छलफल हुने कम्पनीले जनाएको छ । सभा प्रयोजनका लागि कम्पनीले चैत १ गते नै बुक क्लोज गरेको छ ।
त्यसैगरि उक्त दिन यूनाईटेड इर्दि मार्दी एण्ड हाइड्रोपावर ११औँ साधारण सभामा होटल सांग्रिला भिलेज कास्की हुँदैछ । सभाले कम्पनीको लेखा परीक्षक नियुक्त र निजको पारिश्रमिक तोक्ने प्रस्ताव पारित गर्नेछ ।
सभा प्रयोजनका लागि चैत १० देखि २० गतेसम्म बुक क्लोज गर्ने कम्पनीले जनाएको छ ।
वि.सं.२०७७ चैत १९ बिहीवार १२:४७ मा प्रकाशित