काठमाडौं । सानिमा बैंकले नयाँ वर्षको अवसरमा पारेर नव वर्ष२०७८, नयाँ रहर, नयाँ अफर योजना ल्याएको छ ।
अनलाइन सपिङ्ग पोर्टल दराज केयमुसँगको सहकार्यमा बैंकको डेबिट तथा क्रेडिट कार्ड प्रयोग कर्ताहरुलाई दराजबाट सामान खरिद गर्दा विशेष छुट दिने भएको हो ।
यो योजना अन्तर्गत बैंकको ग्राहकले डेबिट कार्ड प्रयोग गरी सामानखरिद गर्दा १५ प्रतिशत वा अधिकतम् एक हजार रुपैयाँसम्मको छुट प्राप्त गर्न सकिने छ । साथै भने क्रेडिट कार्ड प्रयोग गरी सामान खरिद गर्दा २० प्रतिशत वा अधिकतम् एक हजार ५ सय रुपैयाँसम्मको छुट प्राप्त गर्न सकिने बैंकले जनाएको छ ।
उक्त योजना यही चैत्र २९ देखि २०७८ वैशाख ७ गतेसम्म लागू हुने बैंकले जानकारी दिएको छ । जसको लागि बैंकको तर्फबाट डिजिटल बैंकिङ्ग विभागका निरज राजश्रेष्ठ र दराज केयमुको तर्फबाट अरुण फुँयालले सम्झौता पत्रमा हस्ताक्षर गर्नुभयो ।
बैंककोे डेबिट तथा क्रेडिट कार्डका लागि बैंकको वेभसाइटमा गई आवेदन दिन सकिन्छ । बैंकको देशभर ८६ शाखा कार्यालय, १७ विस्तारित काउन्टर र ९६ एटिएम संचालनमा रहेका छन् ।
बैंकको डेविट तथा क्रेडिट कार्ड प्रयोग गर्दा विभिन्न अस्पताल, सपिङ्गआउटलेट, होटेल, रेष्टुरेन्ट आदिमा विशेष छुटको व्यवस्था रहेको छ ।
वि.सं.२०७७ चैत २७ शुक्रवार १४:४८ मा प्रकाशित
