काठमाडौं । साताको पहिलो कारोबार दिन सुनको मूल्य घटेको छ । आइतबार छापावाला सुनको मूल्य प्रतितोला ४ सय रुपैयाँले घटेको हो ।
शुक्रवार ८९ हजार ९ सय रुपैयाँमा कारोबार भएको थियो । आजका लागि भने प्रतितोला ८९ हजार ५ सय रुपैयाँ निर्धारण गरिएको नेपाल सुनचाँदी व्यवसायी महासंघले जनाएको छ । तेजावी सुनको मूल्य ८९ हजार ५० रुपैयाँ तोकिएको छ ।
यस्तै, आज चाँदीको मूल्य पनि सस्तिएको छ । अघिल्लो कारोबार दिनको तुलनामा प्रतितोला ५ रुपैयाँ घटेको छ । महासंघका अनुसार चाँदीको मूल्य प्रतितोला १२ सय ७५ रुपैयाँमा कारोबार हुने छ । अघिल्लो दिन १२ सय ८० रुपैयाँमा कारोबार भएको थियो ।
वि.सं.२०७७ चैत २९ आइतवार १०:५५ मा प्रकाशित