काठमाडौं । नेपाल उद्योग वाणिज्य महासंघले आगामी १० वर्षमा नेपालको अर्थतन्त्रको आकार १०० अर्ब डलरको बनाउने योजनासहित राष्ट्रिय आर्थिक रुपान्तरण-२०३० पुस्तक (भिजन पेपर) सार्वजनिक गरेको छ ।
महासंघले ५५ औं वार्षिक उत्सवको अवसरमा आगामी १० वर्षमा मुलुकको अर्थतन्त्र १ सय अर्ब डलर पुर्याउने अतिरिक्त २२ लाख रोजगारी सृजना गर्ने लक्ष्यसहितको भिजन पेपर सार्वजनिक गरेको हो । भिजन पेपरमा उल्लेख गरे अनुसार अघि बढनको लागि १५० अर्ब डलरभन्दा बढी लगानी आवश्यक पर्ने र त्यसको लागि निजी क्षेत्रबाट करिब १०८ अर्ब डलर रुपैयाँ लगानी गर्ने योजना समेत रहेको छ ।
यो अवधिमा देशको आर्थिक वृद्धि दोहोरो अंकमा हुने र त्यसको लागि सरकारी निकायले गर्नुपर्ने कामको लागि पनि सुझाव दिएको छ । महासंघले भिजन पेपरमा १०० वटा योजना कार्यान्वयन गर्ने र त्यसमा पनि ४० वटा योजना आगामी २ वर्षमा पुरा गर्ने लक्ष्य रहेको छ ।
यो लक्ष्य हासिल गर्नको लागि
सरकारलाई विभिन्न सुझाव दिएको छ । जसमा कानूनी जटिलताले देखिएको समस्या समाधान प्रमुख रहेको छ । भिजन पेपरमा ३३ वटा कानून संशोधन, पर्यटन क्षेत्रको पुनरुत्थान, डिजिटल इकोनोमी, वैदेशिक लगानी प्रवद्र्धन, पूर्वाधार निर्माण, कृषिमा आधुनिकीकरण तथा व्यवसायीक,, इकर्भनेन्स, निर्यात प्रबद्र्धनात्मक रणनीतिक योजना, महिला तथा युवा उद्यमीलाई प्रबद्र्धन गर्ने विषय भिजन पेपरमा राखेर सरकारलाई यसमा देखिएको समस्या समाधान गर्न सुझाव दिइएको छ ।
भिजन पेपरको पूर्ण पाठ पढ्नका लागि यहाँ क्लिक गर्नुहोस
वि.सं.२०७७ चैत २९ आइतवार ११:१० मा प्रकाशित
