काठमाडौं । आरम्भ चौतारी लघुवित्त वित्तीय संस्थाले चालु आर्थिक तेस्रो त्रैमाससम्ममा ७ करोड ८३ लाख ३६ हजार रुपैयाँ नाफा आर्जन गरेको छ ।
जुन गत आवको सोही अवधिको तुलनामा १९१.५५ प्रतिशतले बढेको छ ।
गत आवको सोही अवधिमा संस्थाको नाफा २ करोड ६८ लाख ६८ हजार रुपैयाँ रहेको थियो ।
यो अवधिमा संस्थाको खुद ब्याज आम्दानी र सञ्चालन मुनाफामा आएको सुधारले नाफा बढाउन सहयोग गरेको छ ।
गत आवको तेस्रो त्रैमासमा ९ करोड २६ लाख ५० हजार रुपैयाँ रहेकोमा चालु आवको सोही अवधिमा संस्थाको खुद ब्याज आम्दानी २० करोड ३० लाख ६९ हजार रुपैयाँ पुगेको छ ।
यस्तै संस्थाको सञ्चालन नाफा ४ करोड २२ लाख २२ हजार रुपैयाँ रहेकोमा चालु आवको सोही अवधिमा १२ करोड ५ लाख ७८ हजार रुपैयाँ पुगेको छ ।
२८ करोड ६७ लाख ६३ हजार रुपैयाँ चुक्ता पुँजी रहेको संस्थाको र जगेडा कोषमा १२ करोड ४२ लाख ५ हजार रुपैयाँ रहेको छ ।
१ अर्ब १७ करोड ८६ लाख ९१ हजार रुपैयाँ निक्षेप संकलन गरेको संस्थाले ३ अर्ब ९० करोड ६६ लाख ४६ हजार रुपैयाँ कर्जा लगानी गरेको छ ।
संस्थाको खराब कर्जा २.५३ प्रतिशतबाट बढेर ३.६५ प्रतिशत पुगेको छ । प्रतिसेयर आम्दानी वार्षिक ३६ रुपैयाँ ४२ पैसा रहेको संस्थाको प्रतिसेयर नेटवर्थ १४३ रुपैयाँ ३१ पैसा रहेको छ ।
वि.सं.२०७८ वैशाख १२ आइतवार ११:५३ मा प्रकाशित
