काठमाडौं । बैशाखमा वाणिज्य बैंकहरुको निक्षेप संकलन २२ अर्ब रुपैयाँले घटेको छ । नेपाल बैंकर्स संघका अनुसार १० दिनको अवधिमा बैंकको निक्षेप संकलन २२ अर्ब रुपैयाँले घटेको हो ।
चैत अन्तिममा बैंकहरुले ३९ खर्ब ४४ अर्ब रुपैयाँ निक्षेप संकलन गरेका थिए । वैशाख १० गतेसम्म आईपुग्दा वाणिज्य बैंकहरुले ३९ खर्ब २२ अर्ब रुपैयाँ निक्षेप संकलन गरेका छन् ।
बैंकहरुको निक्षेप संकलन घटेपनि कर्जा लगानी भने केही बढेको छ । चैत मसान्तको तुलनामा वैशाख ३ गतेसम्म आईपुग्दा कर्जा लगानी घटेपनि वैशाख १० सम्म आइपुग्दा केही बढेको छ ।
चैत मसान्तमा ३५ खर्ब ७३ अर्ब कर्जा लगानी गरेका बैंकहरुले वैशाख १० सम्म आईपुग्दा ३५ खर्ब ८३ अर्ब रुपैयाँ कर्जा लगानी भएको बैंकर्स संघले जनाएको छ ।
पछिल्लो समय उपत्यका सहित देशब्यापी रुपमा कोरोनाको बढेसँगै बैंकमा आउने पैसा घटेको छ । कर्जा लगानी थोरै बढेको छ । चैत भन्दा अघि बैंकहरुको कर्जा लगानी निक्षेप संकलनको तुलनामा बढी हुने गरेको थियो ।
पछिल्लो समयमा कोरोना भयावह हुँदै गएपछि बैंकबाट जाने कर्जामा निकै संकुचन आउन थालेको छ । यअसघि पनि कोरोना भयावह हुँदै जाँदा कर्जा लगानीका क्षेत्र खुम्चदाँ अधिकांश कर्जा सेयर बजारमा गएको थियो । अब पनि कोरोना भयावह बन्दै गयो भने अन्य क्षेत्रमा जाने कर्जा न्यून हुने र सेयर धितोमा जाने कर्जा बढ्न सक्ने आंकलन पनि जानकारहरुको रहेको छ ।
वि.सं.२०७८ वैशाख १३ सोमवार १३:४३ मा प्रकाशित