काठमाडौं । एभरेष्ट बैंकले १ अर्ब ५० करोड ७४ रुपैयाँ खुद नाफा कमाएको छ । बैंकले चालु आर्थिक वर्षको तेस्रो त्रैमासमा उक्त नाफा कमाएको हो । बैंकले सार्वजनिक गरेको त्रैमासिक वित्तीय विवरणले यस्तो देखाएको हो ।
गत वर्षको तुलनामा यो वर्षको सोही अवधिमा बैंकको खुद नाफा ३५.९२ प्रतिशतले घटेको हो । गत वर्षको सोही अवधिमा बैंकले २ अर्ब ३५ करोड २६ लाख रुपैयाँ खुद नाफा कमाएको थियो ।
तेस्रो त्रैमाससम्म कम्पनीको वितरण योग्य नाफा १ अर्ब ६ करोड ५३ लाख रुपैयाँ रहेको छ । बैंकको चुक्तापूँजी ८ अर्ब ९३ करोड ३७ लाख रुपैयाँ र जगेडा कोषमा१२ अर्ब ७ करोड ७ लाख ४८ रुपैयाँ रहेको छ ।
बैंकले १ खर्ब ५५ अर्ब ६५ करोड ५६ लाख रुपैयाँ निक्षेप संकलन गरेको छ भने १ खर्ब २० अर्ब ३७ करोड ५५ लाख रुपैयाँभन्दा बढी कर्जा प्रवाह गरेको छ । बैंकले खराज कर्जा पनि घटाएको छ । गत वर्ष शून्य दशमलव २० प्रतिशत रहेकोमा यो वर्ष शून्य दशमलव १२ प्रतिशतमा ल्याएको छ ।
बैंकको प्रतिसेयर आम्दानी २२ रुपैयाँ ५ पैसा रहेको छ भने प्रतिसेयर नेटवर्थ २३५ रुपैयाँ ७२ पैसा रहेको छ ।
वि.सं.२०७८ वैशाख १४ मंगलवार १२:२८ मा प्रकाशित