काठमाडौं । कृषि विकास बैंकले चालु आर्थिक वर्षको तेस्रो त्रैमासको वित्तीय अवस्था सार्वजनिक गरेको छ । बैंकले यो अवधिमा २ अर्ब ७ करोड ३० लाख ६१ हजार रुपैयाँ नाफा आर्जन गरेको छ ।
गत आवको सोही अवधिको तुलनामा बैंकको नाफा १.३९% ले मात्रै बढेको छ । गत आवको सोही अवधिमा बैंकले २ अर्ब ४ करोड ४६ लाख ३५ हजार रुपैयाँ नाफा आर्जन गरेको थियो ।
चैत मसान्तसम्म बैंकको वितरणयोग्य नाफा १ अर्ब ४३ करोड १९ लाख २६ हजार रुपैयाँ छ । यो अवधिमा बैंकलाई नाफा आर्जनमा
खुद ब्याज आम्दानी र सञ्चालन नाफाले सहयोग गरेको छ । बैंकको खुद ब्याज आम्दानी र सञ्चालन मुनाफा पनि थोरै मात्रै वृद्धि भएको छ । सोही अनुपातमा नै बैंकको नाफा बढेको वित्तीय अवस्थाले देखाएको छ ।
बैंकको खुद ब्याज आम्दानी ४ अर्ब ४२ करोड ८६ लाख ७ हजार रुपैयाँ रहेको छ । जुन गत आवको सोही अवधिको तुलनामा १.५३ प्रतिशतले बढी हो । यस्तै सञ्चलान मुनाफा पनि २.३० प्रतिशतले बढेर २ अर्ब ९३ करोड ४२ लाख ३५ हजार रुपैयाँ पुगेको छ ।
बैंकको चुक्तापुँजी ९.५६ प्रतिशतले बढेर १६ अर्ब ४२ करोड २६ लाख ४१ हजार रुपैयाँ पुगेको छ भने जगेडा कोष झण्डै १० प्रतिशतले घटेर १० अर्ब ११ करोड ९ लाख १० हजार रुपैयाँ रहेको छ ।
बैंकको खराब कर्जा ३.६५ प्रतिशतबाट घटेर ३.०८ प्रतिशत रहेको छ । प्रतिसेयर २२ रुपैयाँ १९ पैसा रहेको छ भने प्रति सेयर नेटवर्थ २२६ रुपैयाँ ४७ पैसा रहेको छ ।
वि.सं.२०७८ वैशाख १४ मंगलवार १३:५७ मा प्रकाशित
