काठमाडौं । लगातार दुई दिन भारी गिरावट आएको सेयर बजार मंगलबार चम्किएको छ । आज बजार ९२.४६ अंकले बढेको छ । बजार परिसुचक पनि २ हजार ५९९.०७ अंकको बिन्दुमा पुगेर बन्द भएको छ ।
बजार ३.६९ प्रतिशतले बढेको उक्त दिन कारोबार रकम भने घटेको छ । अघिल्लो दिन ६ अर्ब ५९ करोड ९ लाख रुपैयाँ बराबरको कारोबार भएको थियो । आज भने ५ अर्ब १० करोड ९० रुपैयाँ बराबरको कारोबार भएको छ ।
बजारमा हरियाली छाएको उक्त दिन बैंकिङ समूह ४५.१३ अंक, व्यापार समूह १९०.७२ अंक, होटेल तथा पर्यटन ३९.३५ अंक, डेभलपमेन्ट बैंक ९३.७६, जलविद्युत १५३.०८, फाइनान्स ३५.३७ अंकले बढेको छ ।
यस्तै, आज निर्जीबन बीमा ५४३.२७ अंक, माइक्रोफाइनान्स २३७ अंक, जीबन बीमा ५५८.६३, म्यूचुअल फण्ड ०.१८ र लगानी समूह ४.३४ अंकले बढेको छ ।
त्यसैगरि आज दुई कम्पनीको सर्वाधिक कारोबार भएको छ । आज उप्पर तामाकोशी र निफ्राको सर्वाधिक कारोबार भएको हो । उक्त दिन उप्पर तामाकोशीको २३ करोड ८२ लाख ६७ हजार रुपैयाँ र निफ्राको २१ करोड १६ लाख ७७ हजार रुपैयाँ बराबरको कारोबार भएको छ ।
वि.सं.२०७८ वैशाख १४ मंगलवार १५:०९ मा प्रकाशित