काठमडौं । मेगा बैंकले चालु आर्थिक वर्षको तेस्रो त्रैमासम्म १ अर्ब ९७ करोड २७ लाख ५५ हजार रुपैयाँ नाफा कमाएको छ । बुधवार बैंकले सार्वजनिक गरेको तेस्रो त्रैमासिक वित्तीय विवरणले यस्तो देखाएको हो ।
विवरण अनुसार बैंकको नाफा ३५.९४ प्रतिशतले बढी हो । गत वर्षको सोही अवधिमा बैंकले १ अर्ब ४५ करोड ७६ लाख १४ हजार रुपैयाँ नाफा आर्जन गरेको थियो ।
बैंकको वितरण योग्य नाफा १ अर्ब २९ करोड ७७ लाख ३० हजार रुपैयाँ रहेको छ । बैंकको चुक्तापूँजी १४ अर्ब ६५ करोड ४९ लाख ६४ हजार रुपैयाँ पुगेको छ । जगेडा कोषमा ५ अर्ब २५ करोड ४७ लाख ८८ हजार रुपैयाँ रहेको छ ।
तेस्रो त्रैमाससम्म बैंकले १ खर्ब ३३ अर्ब ३५ करोड २२ लाख ९० हजार निक्षेप संकलन गरी १ खर्ब ३३ अर्ब ३५ लाख १८ हजार रुपैयाँ कर्जा प्रवाह गरेको छ । बैंकले खराज कर्जा पनि घटाएको छ । गत वर्ष १.३२ प्रतिशतले रहेको खराज कर्जा तेस्रो त्रैमाससम्म १.३१ प्रतिशत रहेको छ ।
बैंकको प्रतिसेयर आम्दानी १८ रुपैयाँ १९ पैसा र प्रतिसेयर नेटवर्थ १३६ रुपैयाँ ४१ पैसा रहेको छ ।
वि.सं.२०७८ वैशाख १५ बुधवार १२:२३ मा प्रकाशित