काठमाडौं । सरकारले विद्यालय र कलेजका पूर्व निर्धारित परीक्षा तथा चिकित्सा शिक्षाका सबै किसिमका प्रयोगात्मक जनस्वास्थ्यका मापदण्ड पालनासहित संचालन गर्ने निर्णय गरेको छ ।
मन्त्रिपरिषदको पछिल्लो निर्णयअनुसार विद्यालय तथा कलेजहरु स्वास्थ्य मापदण्ड पालना गरेर संचलान हुने भएको हो ।
विश्वव्यापी फैलिँदै गईरहेको नयाँ भेरियन्टसहितको कोभिड–१९ नेपालमा संक्रमण बढदै गएकाले यसका रोकथाम तथा नियन्त्रणका लागि सरकारले विभिन्न आदेश समेत जारी गरेको छ ।
सरकारले विद्यालय, कलेज, ट्युशन सेन्टर, तालिमकेन्द्र वैशाख मसान्तसम्म भर्चुअल वा वैकल्पिक शिक्षण सिकाईका विधिहरु अनपानाई संचालन गर्न आदेश दिएको छ ।
उक्त आदेश अनुसार काठमाडौं, ललितपुर र भक्तपुर जिल्लाका सबै महानगरपालिका तथा नगपालिका, विराटनगर, वीरजञ्ज तथा धनगढी उपमहानगरपालिका, मेचीनगर, बिर्तामोड, दमक, राजविराज, बनेपा, धुलिखेल, सिद्धार्थनगर, वीरेन्द्रनगर तथा भीमदत्तनगर पालिका रहेका शैक्षिक संस्थाहरुमा लागू हुनेछ ।
वि.सं.२०७८ वैशाख १५ बुधवार १६:३९ मा प्रकाशित
