काठमाडौं । सिटिजन्स बैंक इन्टरनेसनल लिमिटेडले रौतहटको गरुडामा नयाँ शाखा विस्तार गरेको छ ।
योसंगै बैंकको शाखा १६८औं पुगेको छ । आज एक कार्यक्रमकाबीच उक्त शाखामा बैंकिङ्ग कारोवारको सुरुवात गरिएको बैंकले जनाएको ।
शाखाहरू मार्फत ग्राहकहरुको वित्तीय आवश्यकता पुरा गर्न आवश्यक सम्पूर्ण रिटेल बैकिंग सेवा प्रदान गर्नेछ । साथै साना तथा लघु व्यवसायीहरु माझ वित्तीय पहुँच पु¥याँउने बैंकले लक्ष्य राखेको छ ।
सुविधा जनक बचत खाता योजना, मुद्दती निक्षेप योजना, लकर सेवा, एटीएम सेवा, घर तथा सवारी कर्जा, साना व्यवसायी कर्जा, लगायतका वित्तीय सेवाहरु छिटो, छरितो, चुस्त र दुरुस्त रूपमा ग्राहकहरुलाई प्रदान गर्ने प्रतिवद्धता बैंकले जनाएको छ ।
बैंकले देशैभरी फैलिएका आफ्ना १६८ वटा शाखा, १११ वटा एटीएम र १०९ वटा शाखा रहित बैंकिङ्ग ईकाईहरुबाट करिव १० लाखग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।
वि.सं.२०७८ वैशाख १५ बुधवार १७:०६ मा प्रकाशित