काठमाडौं । वाणिज्य बैंकहरुले करिब ४० खर्ब निक्षेप संकलन गरेका छन् । २७ वाणिज्य बैंकहरुले चालु आर्थिक वर्षको तेस्रो त्रैमाससम्म ३९ खर्ब ८६ अर्ब ३७ करोड ८० लाख रुपैयाँ निक्षेप संकलन गरेका हुन् ।
वाणिज्य बैंकहरुले सार्वजनिक गरेको चैतमसान्तसम्मको वित्तीय विवरण (तेस्रो त्रैमासिक) ले यस्तो देखाएको हो । विवरणअनुसार सबैभन्दा धेरै निक्षेप एनआईसी एशिया बैंकले संकलन गरेको छ ।
बैंकले तेस्रो त्रैमासम्म २ खर्ब ७५ अर्ब ३१ करोड ८० लाख ३६ हजार रुपैयाँ निक्षेप संकलन गरेको छ । यो ग्राहक तथा वित्तीय संस्थाहरुबाट संकिलत रकम हो । बैंकले गत आर्थिक वर्षको सोही अवधिमा १ खर्ब ९५ अर्ब ९० करोड ८९ लाख ७३ हजार निक्षेप संकलन गरेको थियो ।
ग्लोबल आइएमई बैंकले २ खर्ब ५८ अर्ब ५३ करोड ३७ लाख ३० हजार रुपैयाँ निक्षेप संकलन गरेको छ । गत वर्षको सोही अवधिमा २ खर्ब १८ अर्ब ७३ लाख ८७ हजार रुपैयाँ निक्षेप संकलन गरेको थियो ।
राष्ट्रिय वाणिज्य बैंक २ खर्ब ४७ अर्ब १८ करोड ७५ लाख ८० हजार रुपैयाँ निक्षेप संकलन गरेको छ । गत वर्षको सोही अवधिमा वाणिज्य बैंकले २ खर्ब ३ अर्ब ५१ करोड ३३ लाख ५७ हजार निक्षेप संकलन गरेको थियो ।
तेस्रो त्रैमासिक वित्तीय विवरणअनुसार नेपला बंगालदेश बैंकले सबैभन्दा कम निक्षेप संकलन गरेको छ । चैतमसान्तसम्म बैंकले ७५ अर्ब २७ करोड ७१ लाख ७३ हजार रुपैयाँ संकलन गरेको थियो ।
कुनको कति ?
वि.सं.२०७८ वैशाख १७ शुक्रवार १३:१५ मा प्रकाशित