काठमाडौं । सञ्चालनमा रहेका १६ विकास बैंक मध्ये हालसम्म १५ बेंकले चालु आर्थिक वर्षको तेस्रो त्रैमासिक वित्तिय विवरण सार्वजनिक गरेका छन् ।
शुक्रबारसम्म कर्णाली विकास बैंक बाहेक सबै बैंकले यस्तो वित्तिय विवरण सार्वजनिक गरेका हुन् । वित्तीय विवरण सार्वजनि गरेका १५ विकास बैंक मध्ये १४ बैंकहरु नाफामा छन् भने नारायणी डेभलपमेण्ट बैंक नोक्सानमा रहेको छ ।
नारायणी डेभलपमेण्ट बैंकले चालू आवको तेस्रो त्रैमासम्म ५२ लाख ५४ हजार रुपैयाँ नोन्सानीमा देखिएको छ । बेंक गत आवको तेस्रो त्रैमासमा पनि १० लाख ९९ हजार रुपैयाँ नोक्सानी थियो ।
१४ बैकले कुल ४ अर्ब ७८ करोड ८८ हजार रुपैययाँ नाफा कमाएका छन् । गत आर्थिक वर्षको सोही अवधिमा १४ बैंकहरुले २ अर्ब ५७ करोड ५४ लाख रुपैयाँ नाफा कमाएका थिए ।
बैंकहरुको विवरणअनुसार सबैभन्दा बढी नाफा मुक्तिनाथ विकास बैंकको देखिएको छ बैंकले चालु आवको तेस्रो त्रैमाससम्ममा १ अर्ब ५६ लाख रुपैयाँ नाफा कमाएको छ ।
गत वर्षको सोही अवधिको तुलनामा बैंकको नाफा ४८.७५ प्रतिशतले बढी हो । बैंकले गत आवको तेस्रो त्रैमासमा ६७ करोड ६० लाख रुपैयाँ नाफा कमाएको थियो ।
दोस्रो बढी नाफा कमाउनेमा गरिमा विकास बैंक रहेको छ ।बैंकले चैतमसान्तसम्ममा ६७ करोड ८२ लाख ७६ हजार रुपैयाँ नाफा कमाएको छ । गत वर्षको सोही अवधिमा बैंकले ४९ करोड ६४ लाख १९ हजार रुपैयाँ नाफा आर्जन गरेको थियो ।
कुन बैंकको नाफा कति ?
वि.सं.२०७८ वैशाख १८ शनिवार १५:४१ मा प्रकाशित
