काठमाडौं । आशा लघुवित्त वित्तीय संस्थाले चालु आर्थिक वर्षको तेस्रो त्रैमासमा आशा लाग्दो नाफा आर्जन गरेको छ ।
चैत मसान्तसम्ममा संस्थाले १० करोड ६७ लाख ६४ हजार रुपैयाँ नाफा आर्जन गरेको छ । जुन गत आवको सोही अवधिको तुलनामा २६७.८१ प्रतिशतले बढि हो ।
गत आको सोही अवधिकमा संस्थाको नाफा २ करोड ९० लाख २६ हजार रुपैयाँ रहेको थियो । यो अवधिमा संस्थाको खुद ब्याज आम्दानी र सञ्चालन मुनाफामा आएको सुधारसँगै नाफामा समेत बढोत्तरी देखिएको छ ।
गत आवको चैत मसान्तसम्ममा संस्थाले १० करोड ६४ लाख १४ हजार रुपैयाँ खुद ब्याज आम्दानी गरेकोमा चालु आवको सोही अवधिमा आईपुग्दा १८ करोड ९८ लाख ४४ हजार रुपैयाँ खुद ब्याज आम्दानी गरेको छ ।
यस्तै गत आवको तेस्रो त्रैमासमा ७२ लाख ३६ हजार रुपैयाँ नोक्सानमा रहेको सञ्चालन मुनाफा चालु आवको सोही अवधिमा आईपुग्दा १५ करोड ५१ लाख ८३ हजार रुपैयाँ रहेको छ ।
२६ करोड ७१ लाख ३१ हजार रुपैयाँ चुक्ता पुँजी रहेको संस्थाको जगेडा कोषमा १५ करोड ३५ लाख ३३ हजार रुपैयाँ रहेको छ । १ अर्ब १९ करोड ३९ लाख ४७ हजार रुपैयाँ निक्षेप संकलन गरेको संस्थाले ३ अर्ब ६३ करोड ८९ लाख ८५ हजार रुपैयाँ कर्जा लगानी गरेको छ । प्रतिसेयर आम्दानी ५३ रुपैयाँ २९ पैसाले रहेको आशाको प्रतिसेयर नेटवर्थ १५७ रुपैयाँ ४७ पैसा रहेको छ ।
वि.सं.२०७८ वैशाख २१ मंगलवार ११:२४ मा प्रकाशित