काठमाडौं । नेपाल घरेलु तथा साना उद्योग महासंघले सरकारले कामदारको न्यूनतम पारिश्रमिक तोकेको विषयमा असन्तुष्ट जनाएको छ ।
महासंघले ट्रेड युनियन, रोजगारदाता र सरकारको बीचमा छलफल चलिरहेको बेलामा कोभिडको दोस्रो कहर शुरु भई सहमतिमा पुग्न नसकेको अवस्थामा सरकारले एक पक्षीय रुपमा न्यूनतम पारिश्रमिक तोकेर लागु गर्ने मिति समेत राजपत्रमा उल्लेख गर्नु दुःखद भएको जनाएको छ ।
लघु, घरेलु तथा साना उद्योगीहरु कोरोना लगायतका प्रतिकुलताका कारण कतिपय बन्द भइसकेका र कतिपय बन्द हुने अवस्था रहेको स्मरण गराएको छ ।
न्यूनतम पारिश्रमिकका सम्बन्धमा सरकारले अहिले गरेको यो व्यवस्थाले लघु, घरेलु तथा साना उद्योगलाई अझै थिलोथिलो बनाई बन्द गर्ने अवस्थामा पु¥याउने निश्चित रहेको महासंघको ठहर छ ।
त्रिपक्षीय वार्तामा भएको अन्तिम सहमति अनुसार ७ सय बढाउने पक्षमा महासंघ रहेको हुँदा यो विषयमा विचार गर्न सरकार र टे«ड युनियनका साथीहरुसँग नेपाल घरेलु तथा साना उद्योग महासंघले अनुरोध गरेको छ । सरकारले श्रमीकको न्यूनतम पारिश्रमीक साउन १ गतेबाट लागु हुनेगरी १५ हजार रुपैयाँ पुर्याएको छ ।
वि.सं.२०७८ वैशाख २२ बुधवार १२:५५ मा प्रकाशित
