काठमाडौं । बुधवार विभिन्न १६ कम्पनीको सेयर मूल्य उच्च दरमा वृद्धि भएको छ । आज दुई जलविद्युत कम्पनीको सेयर मूल्य १० प्रतिशतले बढेको । १४ कम्पनीको सेयर ९ प्रतिशतभन्दा बढीले वृद्धि भएको छ ।
उक्त दिन रिदी हाइड्रोपावर डेभलपमेन्ट र रैराङ हाइड्रोपावर डेभलपमेन्ट कम्पनीको सेयर मूल्य १० प्रतिशतले बढेको छ । रिदी हाइड्रोपावर प्रतिकित्ता २३ रुपैयाँ बढेर २५३ पुगेको छ । रैराङ हाइड्रोपावरको ३७ रुपैयाँले बढेर प्रतिकित्ता ४०७ पुगेको छ ।
बुधावर विशाल बजार कम्पनीको सेयर ९.९९ प्रतिशत, महिला लघुवित्त वित्तीय संस्थाको ९.९८, सिंगटी हाइड्रो इनर्जीको ९.९८, छाङदी हाइड्रोपावरको ९.९७, समता घरेलु लघुवित्त वित्तीय संस्थाको ९.९२ र युनियन हाइड्रोपावरको ९.८० प्रतिशतले वृद्धि भएको छ ।
यस्तै, आज जोशी हाइड्रोपावर, बरुण हाइड्रोपावर, राधी विद्युत कम्पनी, खानीखोला हाइड्रोपावर, घलेम्दी हाइड्रो, अखुँखोला जलविद्युत, नाङदी गु्रप र लिवर्टी इनर्जीको सेयर मूल्य ९ प्रतिशतभन्दा बढी वृद्धि भएको हो । यी कम्पनी लगातका विभिन्न कम्पनीका लगानीकर्ता कमाएका छन् ।
कुनको कति पुग्यो ?
वि.सं.२०७८ वैशाख २२ बुधवार १५:११ मा प्रकाशित
