काठमाडौं । साताको पहिलो कारोबार दिन सेयर बजार राताम्मे बनेको छ । आइतबार १८.५६ अंकले बजार घटेको हो ।
बजार परिसुचक २६१८.५६ अंकको बिन्दुमा पुगेर बन्द भएको छ । उक्त दिन ६ अर्ब १४ करोड ८९ लाख ६६ हजार रुपैयाँ बराबरको कारोबार भएको छ ।
आज बैंकिङ समूह ०.२८ अंक, व्यापार समूह ६१.६१ अंक, होटेल तथा पर्यटन ४१.७८, डेभलपमेन्ट बैंक १.३६, जलविद्युत ३४.०५, फाइनान्स १२.२१, निर्जीवन बीमा ३१.२९, जीवन बीमा १४७.६४, माइक्रोफाइनान्स ९७.०६, म्युचुल फण्ड ०.०२, अन्य २७.९२, उत्पादक तथा प्रसोधन ९२.३७ अंक र लगानी समूह ०.९२ अंकले घटेको छ ।
आइतबार दुई बैंकको सर्वाधिक कारोबार भएको छ । एनसीसी बैंकको २८ करोड ८६ लाख ५२ हजार रुपैयाँ र कुमारी बैंकको २८ करोड ३४ लाख ६४ हजार रुपैयाँ बराबरको कारोबार भएको छ ।
वि.सं.२०७८ वैशाख २६ आइतवार १५:०८ मा प्रकाशित