काठमाडौं । साताको पहिलो कारोबार दिन सेयर बजारमा १८.५६ अंकको गिरावट आएको छ । बजार घटेपनि दुई कम्पनीको सेयर मूल्य भने उच्च दरमा वृद्धि भएको छ ।
आज समता घरेलु लघुवित्त वित्तीय संस्था र रुरु जलविद्युत परियोजनाको सेयर मूल्य उच्च दरमा वृद्धि भएको हो । उक्त दिन समताको सेयर मूल्य ९.९९ प्रतिशत अर्थात ७३ रुपैयाँले बढेर प्रतिकित्ता ८०४ रुपैयाँ पुगेको छ । रुरु जलविद्युतको सेयर मूल्य ९.८२ प्रतिशतले बढेर प्रतिकित्ता ५४८ रुपैयाँ पुगेको छ ।
यी दुई कम्पनीसहित आज कर्पोरेट डेभलपमेन्ट बैंक, राष्ट्रिय बीमा कम्पनी, बैंक अफ काडमाण्डू, सनराइज बैंक, कुमारी बैंक,माउनटेन इनर्जी, साइन रेसुङ्गा डेभलपमेन्ट बैंक, माछापुच्छ्रे बैंक लगातका कम्पनीका लगानीकर्ता कमाएका छन् ।
यस्तै, उक्त दिन महिला लघुवित्त वित्तीय संस्थाको सेयर मूल्यमा नकरात्मक सर्किट लागेको छ । आज कम्पनीको सेयर मूल्य १० प्रतिशत अर्थात ५०३ रुपैयाँले घटेर प्रतिकित्ता ४ हजार ५२७ रुपैयाँमा झरेको छ । म
हिला लघुवित्तसहित आज विशाल बजार कम्पनी, सिंगटी हाइड्रो इनर्जी, युनियन हाइड्रोपावर कम्पनीको सेयर मूल्य ९ प्रतिशतभन्दा बढी घटेको छ ।
यी कम्पनीसंगै आज सर्पोट माइक्रोफाइनान्स, रैराङ हाइड्रोपावर, दिव्याश्वरी हाइड्रोपावर, खानीखोला हाइड्रोपावर, जनउत्थान सामूदायिक लघुवित्त, बरुण हाइड्रोपावर लगायतका अन्य कम्पनीका लगानीकर्ताले गुमाएका छन् ।
वि.सं.२०७८ वैशाख २६ आइतवार १५:४२ मा प्रकाशित