काठमाडौं । साताको दोस्रो कारोबार दिन सेयर बजार दोहोरो अंकले बढेको छ । सोमबार २७.४१ अंकले बढेको हो ।
बजार परिसुचक २६४५.८४ अंकको बिन्दुमा पुगेर बन्द भएको छ । बजार बढेर हरियाली छाएको उक्त दिन कारोबार रकम भने घटेको छ ।
अघिल्लो दिन अर्थात आइतबार ६ अर्ब बढीको कारोबार भएकोमा आज भने ४ अर्ब २० करोड ३८ लाख ३२ हजार रुपैयाँ बराबरको कारोबार भएको छ ।
आज बैंकिङ समूह ३.६१ अंक, व्यापार समूह १९.६१, होटेल तथा पर्यटन ११.४६, डेभलपमेन्ट बैंक १८.०६, जलविद्युत १५.९८, फाइनान्स १०.२३, निर्जीवन बीमा ३४६.०३, उत्पादक तथा प्रसोधन समूह १३३.६४, माइक्रोफाइनान्स ५०.१८, जीवन बीमा १३७.८२, म्युचूअल फण्ड ०.०५, लगानी समूह १ र अन्य ७९.५५ अंकले बढेको छ ।
सोमबार सबैभन्दा बढी नेपाल पुनर्बीमा कम्पनीको २७ करोड ४ लाख २७ हजार रुपैयाँ बराबरको करोबार भएको छ । कारोबारकै आधारमा दोस्रो स्थानमा रहेको उप्पर तामाकोशी हाइड्रोपावरको १९ करोड ७० लाख ६१ हजार रुपैयाँ बराबरको कारोबार भएको छ ।
वि.सं.२०७८ वैशाख २७ सोमवार १५:१० मा प्रकाशित