काठमाडौं । सोमबार सेयर बजारमा हरियाली छाएको छ । २७ अंकले बढेको बजार बढेको उक्त दिन तीन कम्पनीको सेयर मूल्य उच्च दरमा वृद्धि भएको छ ।
आज राष्ट्रिय बीमा कम्पनीको सेयर मूल्यमा सकरात्मक सर्किट लागेको छ । कम्पनीको सेयर मूल्य १० प्रतिशत अर्थात प्रतिकित्ता १ हजार ७५० रुपैयाँ बढेर १९ हजार २५० पुगेको छ ।
यो कम्पनीसहित आज समता घरेलु लघुवित्त वित्तीय संस्था र रुरु जलविद्युत परियोजनाको सेयर मूल्य ९ प्रतिशतभन्दा बढीले वृद्धि भएको छ ।
यस्तै, आज गुहेश्वरी मर्चेट बैंक, लिवर्टी इनर्जी, नेपाल पुनर्बीमा कम्पनी, सिनर्जी हाइड्रोपावर, महिला लघुवित्त वित्तीय संस्था, बरुण हाइड्रोपावर, शिवम सिमेन्ट लगायतका लगानीकर्ताले कमाएका छन् ।
यस्तै, सेयर बजार दोहोरो अंकले बढ्दा पनि विभिन्न कम्पनीको सेयर मूल्यमा गिरावट आएको छ । उक्त दिन विशाल बजार कम्पनीको सेयर मूल्यमा नकरात्मक सर्किट (९.९९प्रतिशत) लागेको छ ।
यो कम्पनीसहित आज जोशी हाइड्रोपावर, छाङ्दी हाइड्रोपावर, मेरो माइक्रोफाइनान्स, सिंगटी हाइड्रो इनर्जी, दिव्याश्वरी हाइड्रोपावर, स्वाभिमान लघुवित्त लगायतका लगानीकर्ताहरुले गुमाएका छन् ।
वि.सं.२०७८ वैशाख २७ सोमवार १५:३४ मा प्रकाशित
