काठमाडौं । चालु आर्थिक वर्षको तेस्रो त्रैमासमा नेको इन्स्योरेन्स कम्पनीले ३५ करोड ९ लाख २२ हजार रुपैयाँ नाफा कमाएको छ । सोमबार कम्पनीले सार्वजनिक गरेको तेस्रो त्रैमासिक वित्तीय परिणामले यस्तो देखाएको हो ।
गत वर्षको सोही अवधिको तुलनामा कम्पनीको नाफा ४५.६० प्रतिशतले वृद्धि भएको हो । गत वर्षको तेस्रो त्रैमासमा कम्पनीकाले २४ करोड १० लाख ६३ हजार रुपैयाँ नाफा कमाएको थियो ।
कम्पनीले तेस्रो त्रैमासमा १ अर्ब ९७ करोड २४ लाख रुपैयाँ बीमाशुल्क आर्जन गरेको छ । गत वर्षको सोही अवधिमा कम्पनीले १ अर्ब ६२ करोड २३ लाख रुपैयाँ बीमाशुल्क आर्जन गरेको थियो । कम्पनीको जारी बीमालेखको संख्या २ लाख २४ हजार ३९४ र नवीकरण गरिएको बीमालेखको संख्या३८ हजार ९८६ रहेको छ ।
चालु आवको तेस्रो त्रैमाससम्म कम्नपनीको कुल दावी भुक्तानी रकम ८१ करोड ८३ लाख रुपैयाँ रहेको छ । भुक्तानी हुन बाँकी दावी रकम १ अर्ब ९ करोड ७७ लाख रुपैयाँ देखिएको छ ।
गत वर्षको सोही अवधिमा कम्पनीले ५८ करोड ७४ लाख रुपैयाँ कुल दावी भुक्तानी गरेको थियो भने भुक्तानी हुन् बाँकी दावी रकम ४८ करोड ९५ लाख रुपैयाँ रहेको थियो ।
कम्पनीको चुक्तापूँजी १ अर्ब ३१ करोड ७४ लाख ३२ हजार रुपैयाँ पुगेको छ । कम्पनीले जगेडा तथा कोषलाई पनि बढाएको छ । गत वर्षको तेस्रो त्रैमासमा ४३ करोड १० लाख ४२ हजार रुपैयाँ रहेकोमा यो वर्षको सोही अवधिमा ६८ करोड २३ लाख १७ हजार रुपैयाँ पुर्याएको छ ।
कम्पनीको बीमा कोषमा १ अर्ब ७१ लाख ५५ हजार रुपैयाँ र महाविपत्ती जगेडामा ९ करोड ६८ लाख ७४ हजार रुपैयाँ रहेको छ । कम्पनीको वार्षिक प्रतिसेयर आम्दानी ३५ रुपैयाँ ५२ पैसा, प्रतिसेयर नेटवर्थ २३५ रुपैयाँ ५९ पैसा रहेको छ ।
वि.सं.२०७८ वैशाख २७ सोमवार १६:४४ मा प्रकाशित
