काठमाडौं । चालु आर्थिक वर्षको तेस्रो त्रैमासमा एभरेष्ट इन्स्योरेन्स कम्पनीले १४ करोड ८२ लाख ८७ हजार रुपैयाँ नाफा कमाएको छ ।
कम्पनीले शुक्राबार सार्वजनिक गरेको चालु आवको तेस्रो त्रैमासिक वित्तीय अवस्थाको तथ्यङ्कले यस्तो देखाएको हो ।
जुन नाफा गत वर्षको सोही अवधिको तुलनामा ११.२० प्रतिशतले मात्र बढी हो । गत वर्षको तेस्रो त्रैमासमा कम्पनीले १३ करोड ३३ लाख ४१ हजार रुपैयाँ नाफा कमाएको थियो ।
चैतमसान्तसम्ममा कम्पनीले कुल ७८ करोड ६१ लाख ६६ हजार रुपैयाँ बीमाशुल्क आर्जन गरेको छ । गत वर्षको सोही अवधिमा कम्पनीले ७४ करोड १३ लाख ५७ हजार रुपैयाँ बीमाशुल्क आर्जन गरेको थियो ।
कम्पनीको जारी बीमालेखको संख्या ८३ हजार २८९ र नवीकरण गरिएको बीमालेखको संख्या १२ हजार ४९३ रहेको छ ।
तेस्रो त्रैमाससम्म कम्पनीको कुल दावी भुक्तानी रकम ६८ करोड ९७ लाख ५५ हजार रुपैयाँ रहेको छ । भुक्तानी हुन बाँकी दावी रकम १ अर्ब १७ करोड ४९ लाख ८ हजार रुपैयाँ देखिएको छ ।
कम्पनीको चुक्तापूँजी १ अर्ब ९ करोड ५९ लाख ३० हजार रुपैयाँ पुगेको छ । त्यस्तै, जगेडा तथा कोष ३४ करोड ८७ लाख १८ हजार रुपैयाँ, बीमा कोषमा ४० करोड ८ लाख ८७ हजार रुपैयाँ रहेको छ ।
कम्पनीको प्रतिसेयर आम्दानी १८ रुपैयाँ ०४ पैसा, प्रतिसेयर नेटवर्थ १६८ रुपैयाँ ४० पैसा, मूल्य आम्दानी अनुपात ३७.९७ र प्रतिसेयर कुल सम्पत्तिको मूल्य २२९ रुपैयाँ ६३ पैसा रहेको छ ।
वि.सं.२०७८ वैशाख ३१ शुक्रवार १०:२९ मा प्रकाशित
