काठमाडौं । अपि पावर कम्पनीले १ः०.२९३८ अनुपातमा हकप्रद सेयर निष्काशन गर्ने भएको छ ।
कम्पनीले प्रतिकित्ता १०० रुपैयाँ दरले ५६ लाख ७० हजार कित्ता हकप्रद सेयर बिक्री गर्न लागेको हो । जेठ २० गतेदेखि हकप्रद सेयर निष्काशन गर्न लागेको हो । सेयरमा असार ९ गतेसम्म आवेदन दिन सकिने छ ।
हकप्रद निकाष्शनका लागि भन्दै कम्पनीले वैशाख २९ गते बुक क्लोज गरेको छ । २८ गतेसम्मका सेयरधनीले हकप्रद सेयरमा आवेदन दिन पाउनेछन् । यसको बिक्री प्रबन्धकमा मुक्तिनाथ क्यापिटल रहेको छ ।
हकप्रदमा मेरो सेयर तथा सि आश्वा सदस्य रहेका बैंक तथा वित्तीय संस्थाबाट आवेदन दिन सकिने छ । यस्तै मुक्तिनाथ क्यापिटल, अपि पावर कम्पनी, मुक्तिनाथ विकास बैंकको पोखरा, नारायणगढ, इटहरी, धनगढी, सुर्खेत, नेपालगंज र जनकपुर शाखाबाट आवेदन दिन सकिनेछ । हकप्रद बिक्रीपछि कम्पनीको चुक्ता पुँजी २ अर्ब ४९ करोड ६७ लाख रुपैयाँ पुग्नेछ ।
वि.सं.२०७८ जेठ ३ सोमवार १०:१९ मा प्रकाशित
