काठमडौं । रसुवागढी हाइड्रोपावर कम्पनीले चालु आर्थिक वर्षको तेस्रो त्रैमाससम्म २ करोड ४६ लाख ४३ हजार रुपैयाँ नोक्सानी व्यहोरेको छ । बुधवार कम्पनीले सार्वजनिक गरेको तेस्रो त्रैमासिक वित्तीय अवस्थाको तथ्याङ्कले यस्तो देखाएको हो ।
कम्पनी गत वर्षको सोही अवधिमो तुलनामा ६१.५१ प्रतिशतले नोक्सानी घटाएको छ । गत वर्षको त्रैस्रो त्रैमासमा पनि कम्पनी ६ करोड ४० लाख २६ हजार रुपैयाँ नोक्सानी व्यहोरेको थियो ।
कम्पनीले सार्वजनिक गरेको विवरणमा विद्युत बिक्री आम्दानी पनि उल्लेख गरेको छैन । कम्पनीको चुक्तपूँजी ६ अर्ब १५ करोड ७८ लाख ९० हजार रुपैयाँ रहेको छ ।
कम्पनीको प्रतिसेयर आम्दानी, मूल्य आम्दानी अनुपात पनि ऋणात्मक देखिएको छ । प्रतिसेयर नेटवर्थ ९६ रुपैयाँ ३२ पैसा, प्रतिसेयर कुल सम्पत्ति २२३ रुपैयाँ ७० पैसा, र तरलता अनुपात ०.२५ रहेको छ ।
वि.सं.२०७८ जेठ १२ बुधवार ११:५३ मा प्रकाशित
