काठमाडौं । चालु आर्थिक वर्षको पछिल्लो १० महिनामा ४ लाख थान भन्दी बढी बिजुलीको मिटर आयात भएको छ ।नेपालमा बैशाख मसान्तसम्म करिव १ अर्ब रुपैयाँ बराबरको बिजुलीको मिटर आयात भएको हो ।
भन्सार विभागले सार्वजनिक गरेको चालु आवको बैशाख मसान्तसम्म तथ्याङ्कले यस्तो देखाएको हो । विश्वका ६ मुलुकहरुबाट ९५ करोड ४४ लाख ४ हजा रुपैयाँ बराबरको ४ लाख २१ हजार २४१ थान बिजुलीको मिटर आयात भएको भन्सार विभागले जनाएको छ ।
चालु आवको चैत मसान्तसम्म भने ८५ करोड ८१ लाख ५९ रुपैयाँ बराबरको ३ लाख ७९ हजार ६९६ थान मिटर आयात भएको विभागले जनाएको छ ।नेपालमा छिमेकी मुलुक चीन र भारत, अमेरिका, जर्मनी, ताइवान र थाइल्याण्डबाट आयात भएको हो ।
जसमध्ये सबैभन्दा बढी मिटर चीनबाट आयात भएको छ ।बैशाख मसान्तसम्म चीनबाट ८३ करोड ४९ लाख १ हजा रुपैयाँ बराबरको २ लाख ७९ हजार ३६३ थान बिजुलीको मिटर आयात भएको छ ।
उक्त अवधिमा भारतबाट १ लाख ४१ हजार ८४७ थान मिटर आयात भएको विभागले जनाएको छ । भारतबाट १० करोड ५७ लाख १८ हजार रुपैयाँ बराबरको आयात भएको हो ।
विभागको तथ्याङ्क अनुसार अमेरिकाबाट २३ थान मिटर १ करोड ८ लाख २५ हजा रुपैयाँ बराबरको आयात भएको देखिएको छ ।
त्यस्तै, जर्मनीबाट २८ लाख ९६ हजार रुपैयाँ बराबरको ५ थान, ताइवान्बाट ६४ हजार रुपैयाँ बरारबको २ थान र थाइल्याण्डबाट एक हजार रुपैयाँ बराबरको १ थान बिजुलीको मिटर आयात भएको विभागले जनाएको छ ।
वि.सं.२०७८ जेठ १२ बुधवार १२:०२ मा प्रकाशित