काठमाडौं । चालु आर्थिक वर्षको पछिल्लो १० महिनामा १ अर्ब १७ करोड ३१ लाख ३९ हजार रुपैयाँ बराबरको मास्क तथा सेनिटाइजर आयात भएको छ ।
विश्वव्यापी रुपैयाँ फैलिएको कोरोना महामारीका कारण नेपालमा पनि मास्क तथा सेनिटाइजरको को अन्यधिक आयात भएको देखिएको छ ।
भन्सार विभागले सार्वजनिक गरेको तथ्याङ्क अनुसार १० महिनाको अवधिमा ६३ करोड १० लाख ७४ हजार रुपैयाँ बराबरको मास्क र ५४ करोड २० लाख ६५ हजार रुपैयाँ बराबरको सेनिटाइजर आयात भएको हो ।
झण्डै चार दर्जन मुलुकहरुबाट मास्क र डेढ दर्जन देशहरुबाट सेनिटाइजर आयात भएको विभागले जनाएको छ । नेपालमा छिमेकी मुलुक चीन, भारत, थाइल्याण्ड, जापान, कोरिया, सिंगापुर, जर्मनी, ताइवान्,युएई, नेदरल्याण्ड, अमेरिका, बेलायत, क्यानडा लगायतका देशहरुबाट मास्क तथा सेनिटाइजर आयात हुने गरेको छ ।
बैशाख मसान्तसम्म सबैभन्दा धेरै मास्क चीनबाट आयात भएको देखिएको छ । १० महिनाको अवधिमा चीनबाट सबैभन्दा बढी ५२ करोड ९५ लाख ६७ हजार रुपैयाँ बराबरको मास्क आयात भएको तथ्याङ्कमा उल्लेख छ । दोस्रोमा छिमेकी मुलुक भारतबाट बैशाख मसान्तसम्म ६ करोड ७४ लाख ८२ हजार रुपैयाँ बराबरको मास्क आयात भएको छ ।
१० महिनाको अवधिमा १ हजार ७१८ टन सेनिटाइजर आयात भएको छ । भारतबाट सबैभन्दा बढी आयात भएको देखिएको छ । १० महिनाको अवधिमा भारतबाट ३८ करोड ७८ लाख १० हजार रुपैयाँ बराबरको १ हजार ३७४ टन सेनिटाइजर आयात भएको छ ।
उक्त अवधिमा चीनबाट ११ करोड ५४ लाख ३६ हजार रुपैयाँ बराबरको २९९ टन सेनिटाइजार आयात भएको विभागले जनाएको छ ।
कोरोना सुरु भएको केही समय पछि नेपालामा पनि मास्क तथा सेनिटाइजरको उत्पादन सुरु गरियो । जसले गर्दा यसको आयातमा केही कमी आएको थियो । तर नेपालमा उत्पादित वस्तुले माग धान्न नसकेपछि आयात गर्नुपरेको हो ।
वि.सं.२०७८ जेठ १३ बिहीवार ११:५० मा प्रकाशित