काठमाडौं । साताको अन्तिम कारोबार दिन जलविद्युत कम्पनीमा लगानीकर्ता झुम्मिएका छन् । बिहीवार १४ अर्ब ७६ करोड बढीको कारोबार भएको छ । उक्त सर्वाधिक कारोबार गर्ने जलविद्युत कम्पनीहरु रहेका छन् ।
आज सबैभन्दा धेरै अपि पावरको ४३ करोड २८ लाख ३४ हजार रुपैयाँ बराबरको सेयर कारोबार भएको छ । कम्पनीको सेयर मूल्य ३७६ रुपैयाँ पुगेको छ । आज ११ लाख ७८ हजार ४९६ कित्ता सेयर खरिदबिक्री भएको छ ।
कारोबारकै आधारमा दोस्रो स्थानमा रहेको अरुण कावेली पावरको ३७ करोड ७४ लाख ९ हजार रुपैयाँ बराबरको सेयर कारोबार भएको छ । उक्त दिन कम्पनीको ८ लाख ३६ हजार ४४८ कित्ता सेयर खरिदबिक्री भएको हो । कम्पनीको सेयर मूल्य प्रतिकित्ता ४६३ रुपैयाँ रहेको छ ।
आज चिलिमे हाइड्रोपावर कम्पनीको पनि धेरै सेयर कारोबार भएको छ । कम्पनीको ३७ करोड ३ लाख ११ हजार रुपैयाँ बराबरको ५ लाख ८९९ कित्ता सेयर खरिदबिक्री भएको छ । कम्पनीको सेयर मूल्य ७५१ रुपैयाँ पुगेको छ ।
यस्तै, आज सर्वाधिक कारोबार गर्ने अर्को कम्पनी युनाइटेड मोदी हाइड्रोपावर रहेको छ । कम्पनीको ३५ करोड ५४ लाख ५८ हजार रुपैयाँ बराबरको १० लाख ९१ हजार ६५३ कित्ता सेयर खरिदबिक्री भएको छ । यस कम्पनीको सेयर मूल्य प्रतिकित्ता ३३० रुपैयाँ रहेको छ ।
यी हुने आज सर्वाधिक कारोबार भएका कम्पनीहरु :
वि.सं.२०७८ जेठ १३ बिहीवार १५:४१ मा प्रकाशित