काठमाडौं । कोरोना महामारी रोकथाम तथा नियान्त्रणका लागि नेपाल इन्फ्रास्ट्रक्चर बैंकले सात वटै प्रदेशलाई आर्थिक सहयोग गरेको छ ।
बैंकले संस्थागत सामाजिक उत्तरदायित्व कोष अन्तर्गत सातै प्रदेशका कोरोना रोकथाम तथा नियन्त्रण र उपचारमा संलग्न अस्पताल तथा आइसोलेशन केन्द्रलाई ४९ लाख रुपैयाँ सहयोग गरेको हो ।
बैंकले प्रदेश १ मा दमक नगरपालिका प्रदेश २ मा जनकपुर प्रादेशिक अस्पताल, बाग्मती प्रदेशमा पनौती नगरपालिका, गण्डकी प्रदेशमा गोरखा नगरपलिका, लुम्बिनी प्रदेशमा कपिलवस्तु नगरपालिका, कर्णाली प्रदेशमा विरेन्द्रनगर नगरपलिका र प्रदेश ७ मा महाकाली अस्पताललाई ७/७ लाख रुपैयाँका दरले प्रदान गरेको बताइएको छ ।
बैंकले संस्थागत सामाजिक उत्तरदायित्वलाई प्राथमिकतामा राखी समय समयमा विभिन्न संघ/संस्थालाई सहयोग गर्दै आएकोमा मुलुकमा कोभिड १९ को संक्रमण बाट उत्पन्न विषम परिस्थितिमा तीन तहका सरकारहरुबाट महामारी रोकथाम, नियन्त्रण र उपचारमा हातेमालो गर्ने निर्णय स्वरूप सहयोग रकम प्रदान गरेको बताएको छ ।
वि.सं.२०७८ जेठ १५ शनिवार १०:२३ मा प्रकाशित