काठमाडौं । पछिल्लो २५ घण्टामा नेपालमा थप ६ हजार ४९१ जनाले कोरोना जितेका छन् । योसंगै हालसम्म निको हुनेको संख्या ४ लाख ४७ हजार ४४६ पुगेको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ४ हजार १७८ जनामा कोरोना संक्रमण पुष्टि भएको छ । योसंगै नेपालमा कुल संक्रमितको संख्या ५ लाख ६१ हजार ३०२ पुगेको छ । सक्रिय संक्रमित भने १ लाख ६ हजार ४७० जना रहेका छन् ।
मन्त्रालयका अनुसार पछिल्लो २४ घण्टामा थप ११४ जनाको मृत्यु भएको छ । योसंगै नेपालमा कोरोनाबाट ज्यान गुमाउनेको संख्या ७ हजार ३८६ पुगेको छ । पछिल्लो केही दिन यता कोरोना संक्रमण दर घट्दै गएको मन्त्रालयले जनाएको छ ।
वि.सं.२०७८ जेठ १७ सोमवार १७:२५ मा प्रकाशित