काठमाडौं । आज निर्धन उत्थान लघुवित्त वित्तीय संस्थाको लिलामी सेयरमा आवेदन गर्ने अन्तिम दिन रहेको छ । कम्पनीले जेठ १३ गतेदेखि १ लाख ५ हजार ५९२ कित्ता संस्थापक सेयर लिलामीमा ल्याएको हो ।
उक्त सेयरको न्यूनतम मूल्य प्रतिकित्ता ५५० रुपैयाँ तोकिएको छ । बोलपत्र पेश गर्दा सो वा सोभन्दा बढी मूल्य अंकित गरी पेश गर्नुपर्नेछ ।उक्त सेयरमा आज बैंकिङ्ग समयसम्म आवेदन दिन सकिने छ । कम्पनीको बिक्री प्रबन्धकमा एनआइबिएल एस क्यापिटल लिमिटेड रहेको छ ।
उक्त सेयर खरीदमा न्यूनतम २ हजार कित्ताको लागि र अधिकतम सबै कित्ताका लागि आवेदन दिनुपर्नेछ । उक्त सेयरमा कम्पनीका सेयरधनी, सर्वसाधारण तथा अन्य योग्य संघ/संस्थाले आवेदन दिन सक्नेछन् ।
वि.सं.२०७८ जेठ २० बिहीवार १०:३१ मा प्रकाशित
