काठमाडौं । साताको तेस्रो कारोबार दिन तीन दर्जन कम्पनीको सेयर मूल्यमा उछाल आएको छ । मंगलबार ७ कम्पनीको सेयर मूल्यमा सकरात्मक सर्किट लागेको छ । अन्य कम्पनीको सेयर मूल्य उच्च दरमा वृद्धि भएको छ ।
उक्त दिन हिमालयन जनरल इन्स्योरेन्स कम्पनी, गोर्खाज फाइनान्स, श्री इन्भेष्टमेन्ट फाइनान्स, जानकी फाइनान्स, सांग्रिला डेभलपमेन्ट बैंक, मुक्तिनाथ विकास बैंक ग्रीन डेभलपमेन्ट बैंकको सेयर मूल्य १० प्रतिशतले वृद्धि भएको हो ।
यस्तै, ज्योति विकास बैंक, कर्णाली डेभलपमेन्ट बैंक, प्रोगे्रसिभफाइनान्स, मल्टीप्रपोज फाइनान्स, गुहेश्वरी मर्चेण्ट बैंक, गुडवील फाइनान्स, महालक्ष्मी विकास बैंक, मञ्जुश्री फाइनान्स, सप्तकोशी डेभलपमेन्ट बैंक, साइनरेसुङ्गा डेभलपमेन्ट बैंक, नेपाल फाइनान्स, बरुण हाइड्रोपावर, रसुवागढी हाइड्रोपावर कम्पनीको सेयर मूल्य सर्किट लेबल (९ प्रतिशतभन्दा बढीले ) मा वृद्धि भएको छ ।
त्यसैगरि गरिमा विकास बैंक, कामना सेवा विकास बैंक, आईसीएफसी फाइनान्स, रिदी हाइड्रोपावर, युनिभर्सल पावर, पञ्चकन्या माई हाइड्रोपावर, सेन्ट्रल फाइनान्स, पोखरा, रिलायन्स, बेष्ट, समृद्धि फाइनान्स, सिन्धु विकास बैंक, एक्सएल डेभलपमेन्ट बैंक, छाङ्दी हाइड्रोपावर, युनाइटेड मोदी र नेपाल इन्स्योरेन्सका सेयर मूल्य ९ प्रतिशत भन्दा बढी वृद्धि भएको हो ।
हेर्नुहोस्, कुनको कति बढ्यो ?
वि.सं.२०७८ जेठ २५ मंगलवार १५:२७ मा प्रकाशित