काठमाडौं । साताको पहिलो कारोबार दिन सुनको मूल्यमा गिरावट आएको छ । आइतबार छापावाला सुनको मूल्य घटेको हो ।
नेपाल सुनचाँदी व्यवसायी महासंघका अनुसार आज प्रतितोला ६ सय रुपैयाँले घटेर ९३ हजार ९ सय रुपैयाँ कायम भएको जनाएको छ । अघिल्लो कारोबार दिन तोलाको ९४ हजार ५ सय रुपैयाँमा खरिदबिक्री भएको थियो ।
महासंघले शुक्रबार ९४ हजार रुपैयाँमा खरिदबिक्री भएको तजावी सुन आजका लागि भने ९३ हजार ४ सय रुपैयाँ निर्धारण गरेको छ ।
यस्तै, आइतबार चाँदीको मूल्य भने स्थिर रहेको छ । शुक्रबार तोलाको १३ सय ७० रुपैयाँमा कारोबार भएको चाँदी आज पनि सोही मूल्य खरिदबिक्री हुने महासंघले जनाएको छ ।
वि.सं.२०७८ जेठ ३० आइतवार ११:१५ मा प्रकाशित
