काठमाडौं । आज एनआईसी एशिया बैंकको स्वामित्वमा रहेको महुली लघुवित्त वित्तीय संस्थाको लिलामी सेयरमा आवेदन गर्ने अन्तिम दिन रहेको छ ।
बैंकले उक्त लघुवित्तको संस्थापक सेयर जेठ १३ गतेदेखि ५६ हजार २७० कित्ता सेयर लिलामीमा ल्याएको हो । उक्त सेयरमा आज बैंकिङ समयसम्म आवेदन दिन सकिने कम्पनीले जनाएको छ ।
उक्त सेयरमा आवेदकले न्यूनतम सेयर मूल्य प्रतिकित्ता ८ सय रुपैयाँ तोकिएको हुँदा सो सोभन्दा बढी मूल्य अंकित गरी बोलपत्र पेश गर्नुपर्नेछ । बिक्री प्रबन्धक एनआईसी एशिया क्यापिटल रहेको छ ।
सेयर खरीदको लागि बोलपत्र पेश गर्दा आवेदकले न्यूनतम ५ सय कित्ता र अधिकतमको लागि कुनै हद नलाग्ने कम्पनीले जानकारी दिएको छ ।
वि.सं.२०७८ जेठ ३१ सोमवार १०:१८ मा प्रकाशित