काठमाडौं । जीवन विकास लघुवित्त वित्तीय संस्थाले असार ११ गतेदेखि साधारण सेयर (आईपीओ) निष्काशन गर्ने भएको छ । कम्पनीले १९ करोड ७७ लाख ३० हजार रुपैयाँको १९ लाख ७७ हजार ३०० कित्ता आईपीओ निष्काशन गर्न लागेको हो ।
प्रतिकित्ता १ सय रुपैयाँका दरले १९ लाख ७७ हजार ३०० कित्ता सेयर निष्काशन गर्न लागेकोमा ३० हजार ४२० कित्ता संस्थाका कर्मचारी, ९८ हजार ८६५ कित्ता सामुहिक लगानी कोषका लागि छुट्याएको छ । बाँकी रहेको १८ लाख ४८ हजार १५ कित्ता सेयर सर्वसाधारणका लागि छुट्याएको छ । सर्वसाधारणले १८ लाख ४८ हजार १५ कित्तामा आवेदन दिन पाउने छन् ।
लगानीकर्ताले न्यूनतम १० देखी अधिकतम १ हजार कित्तासम्म आवेदन दिन सकिने छ ।
लगानीकर्ताले सि–आस्बा सदस्य रहेका बैंक तथा वित्तीय संस्थाहरु तथा मेरो सेयरबाट आवेदन दिन सकिने छ । आईपीओमा छिटोमा असार १५ गतेसम्म आवेदन दिइसक्नुपर्ने छ । उक्त अवधिमा माग अुनसार आवेदन नपरेको खण्डमा असार २५ गतेसम्म आवेदन दिन पाएने छ ।
आईपीओलाई रेटिङ एजेन्सी इक्रा नेपालले ‘इक्रा आइआर बीबीबी माइनस’ रेटिङ दिएको छ । यो भनेको मध्यम जोखिम खालको हो । यसको बिक्री प्रबन्धकमा एनएमबि क्यापिटल रहेको छ ।
वि.सं.२०७८ असार ३ बिहीवार ०८:०६ मा प्रकाशित
