काठमाडौं । आज महालक्ष्मी विकास बैंकको स्वामित्वमा रहेको एशियन लाइफ इन्स्योरेन्सको संस्थापक सेयर लिलामीमा आवेदन दिने अन्तिम दिन रहेको छ ।
कम्पनीले असार ३ गतेदेखि १ लाख ६६ हजार ७५७ कित्ता संस्थापक सेयर लिलामीमा खुला गरेको थियो । उक्त सेयरमा आज बैंकिङ्ग सयमसम्म दिन सकिने छ ।
उक्त सेयरको न्यूनतम मूल्य ६२८ रुपैयाँ तोकिएको छ । बोलकबोल गर्दा सो वा सो भन्दा बढी मूल्य अंकित गरी गर्नुपर्ने बताइएको छ ।
उक्त सेयर खरीदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् ।आवेदकले न्यूनतम १ हजार कित्ता र अधिकतममा सम्पूर्ण कित्ताका लागि आवेदन दिन सकिने बताइएको छ ।
बिक्री प्रबन्धक सिद्धार्थ क्यापिटल नारायणचौर नक्साल काठमाडौंमा पुग्ने गरी पेश गर्नु पर्नेछ ।
वि.सं.२०७८ असार ९ बुधवार १२:०९ मा प्रकाशित