काठमाडौं । बिहीबार सुनको मूल्यमा गिरावट आएको छ । आज नेपाली बजारमा छापावाला सुनको मूल्य तोलामा २ सय रुपैयाँले घटेको हो ।
नेपाल सुनचाँदी व्यवसायी महासंघका अनुसार आजका लागि सुनको मूल्य प्रतितोला ९० हजार ५ सय रुपैयाँ कायम गरेको छ । अघिल्लो कारोबार दिन ९० हजार ७ सय रुपैयाँमा खरिदबिक्री भएको थियो ।महासंघले आजका लागि तेजावी सुनको मूल्य ९० हजार रुपैयाँ निर्धारण गरेको छ ।
यस्तै, बिहीबार चाँदीको मूल्य भने स्थिर रहेको छ । अघिल्लो दिन तोलाको १२ सय ९५ रुपैयाँ कायम भएकोमा आज पनि सोही मूल्य निर्धारण गरिएको महासंघले जनाएको छ ।
वि.सं.२०७८ असार १० बिहीवार ११:१० मा प्रकाशित