काठमाडौं । असार महिना सुरु भएसंगै सुनको मूल्य ओरालो लागेको छ । उक्त महिनाको पहिलो कारोबार दिनदेखि करिव दोस्रो सातासम्म सुनको मूल्यमा गिरावट आएको हो ।
असार महिनाको पहिलो कारोबार दिन र यस साताको अन्तिम कारोबार दिनको तुलनमा सुनको मूल्य तोलामा २ हजार ७ सय रुपैयाँले घटेको हो ।
नेपाली बजारमा असार १ गते छापावाला सुनको मूल्य ९३ हजार २ सय रुपैयाँमा कारोबार भएको सुन ११ गतेसम्म आइपुग्दा २ हजार ७ सय रुपैयाँले घटेको नेपाल सुनचाँदी व्यवसायी महासंघले जनाएको छ । असार ११ गते अर्थात आज भने प्रतितोला ९० हजार ५ सय रुपैयाँमा झरेको छ ।
यस महिनाको पहिलो दिन ९२ हजार ७ सय रुपैयाँमा खरिदबिक्री भएको तेजावी सुन असार ११ गतेसम्म आईपुग्दा ९० हजार रुपैयाँ कायमा भएको महासंघले जनाएको छ ।
यस्तै, नेपाली बजारमा असार महिनाको हालसम्म कारोबार दिनमा चाँदीको मूल्य पनि घटेको छ । उक्त अवधिमा (बैशाख १–११ गते) तोलाको ५५ रुपैयाँले घटेको महासंघले जनाएको छ ।
असार १ गते तोलाको १३ सय ५५ रुपैयाँमा खरिदबिक्री भएको चाँदी ११ गतेसम्म आइपुग्दा १३ सय रुपैयाँ कायम भएको छ ।
वि.सं.२०७८ असार ११ शुक्रवार १६:५० मा प्रकाशित