काठमाडौं । नेपाल धितोपत्र बोर्डले बस्तु विनियम बजार सम्बन्धि कार्यविधि तयार गरेर असार १५ गतेबाट कार्यान्वयनमा ल्याउने भएको छ ।
बोर्डका अध्यक्ष भिष्मराज ढुंगानाले कार्यविधि तयार भएको र असार १५ गतेबाट कार्यान्वयनमा ल्याउन लागेको बताउनुभयो । उहाँका अनुसार कार्यविधिमा वस्तु विनिमय बजार सञ्चालन गर्न अनुमति दिने प्रकृया तथा अनुमति दिन इन्कार गर्न सक्ने अवस्था, पूर्वाधार तयार गनुपर्ने, कारोबार सञ्चालनको स्वीकृति, नविकरण, सञ्चालक सम्बन्धी व्यवस्था समावेश गरिएको छ ।
कार्यविधि १५ गतेदेखि लागु भएपछि त्यसैको आधारमा आवेदन माग गरिने उहाँको भनाई छ । अध्यक्ष ढुंगानाका अनुसार त्यही कार्यविधिमा आधारित रहेर असार मसान्त भित्र नै असार भित्रै आवेदन माग गर्ने तयारी रहेको उहाँको भनाई छ ।
यता सरकारले पनि आगामी आवको बजेटमा यो विषय समावेश गरेको छ । बजेटमा नै आगामी आवमा बस्तु विनियम बजार सञ्चालमा ल्याउने उल्लेख गरेको छ । आगामी आवबाट यो सञ्चालनमा ल्याउनको लागि धितोपत्र बोर्डलाई आवश्यक गृहकार्य गर्न निर्देशन समेत दिइसकेको छ । सरकारले आगामी आवको बजेटले बस्तु विनियम बजार सुरु गर्ने अठोट गरेकोले त्यसको गृहकार्य गर्न निर्देशन दिएको हो ।
वि.सं.२०७८ असार १३ आइतवार १४:०७ मा प्रकाशित