काठमाडौं । मेरो माइक्रोफाइनान्स लघुवित्त वित्तीय संस्था संस्थापक सेयर आजदेखि लिलामीमा आएको छ । एनआईसी एशिया बैंकको स्वामित्वमा रहेको ५८ हजार ५६८ कित्ताच संस्थापक सेयर लिलामीमा ल्याएको हो ।
प्रतिकित्ता न्युनतम मूल्य ५३१ रुपैयाँ तोकिएको उक्त सेयरमा असार २१ गते कार्यालय समयभित्र गोप्य शिलबन्दी आवेदन पेश गर्नुपर्नेछ ।
उक्त सेयर खरिद गर्न योग्य इच्छुक विद्यमान संस्थापकहरुले वा जो कोही व्यक्ति, कम्पनी, संघ, संस्थाहरुले गोप्य शिलबन्दी आवेदन पेश गर्न सकिने छ । विक्री प्रबन्धमा एनआईसी एशिया क्यापिटल रहेको छ ।
उक्त सेयर खरिदका लागि न्युनतम १ कित्ताको लागि आवेदन दिनुपर्नेछ भने अधिकतम माथि सम्पूर्ण कित्ताका लागि आवेदन सकिने कम्पनीले जनाएको छ ।
बोलपत्र आवेदन फारममा आफूले लिन चाहेको सेयर कित्ता संख्या, प्रतिकित्ताको दर रेट अंक र अक्षरमा स्पष्ट उल्लेख गर्नुपर्ने कम्पनीले जनाएको छ ।
वि.सं.२०७८ असार १५ मंगलवार ११:५९ मा प्रकाशित
