काठमाडौं । मंगलबारदेखि आरएमडीसी लघुवित्त वित्तीय संस्थाले संस्थापक सेयर लिलामीमा ल्याएको छ।
एनआईसी एशिया बैंकको स्वामित्वमा रहेको ३ लाख ८४ हजार ९९५ कित्ता संस्थापक सेयर लिलामीमा ल्याएको हो । प्रतिकित्ता ४४१ रुपैयाँ तोकिएको उक्त सेयरमा असार २१ गते कार्यालयसम्म आवेदन दिन सकिने छ ।
उक्त सेयर खरिद गर्न योग्य इच्छुक विद्यमान संस्थापकहरुले वा जो कोही व्यक्ति, कम्पनी, संघ, संस्थाहरुले गोप्य शिलबन्दी आवेदन पेश गर्न सकिने छ । विक्री प्रबन्धमा एनआईसी एशिया क्यापिटल रहेको छ ।
उक्त सेयर खरिदका लागि न्युनतम १ कित्ताको लागि आवेदन दिनुपर्नेछ भने अधिकतम माथि सम्पूर्ण कित्ताका लागि आवेदन सकिने कम्पनीले जनाएको छ ।
बोलपत्र आवेदन फारममा आफूले लिन चाहेको सेयर कित्ता संख्या, प्रतिकित्ताको दर रेट अंक र अक्षरमा स्पष्ट उल्लेख गर्नुपर्ने कम्पनीले जनाएको छ ।
वि.सं.२०७८ असार १५ मंगलवार १३:४१ मा प्रकाशित