काठमाडौं । चालु आर्थक वर्ष सकिन १५दिन बाँकी रहँदासम्म पनि अझै सम्म सूचिकृत कम्पनीहरुले साधारणसभा गर्न सकेका छैनन् ।
असार महिनामा मात्रै साधारणसभा गर्नको लागि भन्दै ११ कम्पनीले सूचना जारी गरेका छन् । जसमा केहीको विशेष साधारणसभा समेत रहेको छ । ११ वटा कम्पनीमा इन्फिनिटी लघुवित्त वित्तीय संस्थाले असार २१ गते विषेश साधारणसभा बोलाएको छ । बाँकी कम्पनीको साधारणसभा रहेको छ ।
इन्फिनिटीले नेपाल एग्रो लघुवित्तलाई प्राप्ति गर्नको लागि भन्दै विशेष साधारणभा बोलाएको हो । त्यसको लागि असार ८ गतेको लागि बुक क्लोज गरेको छ । यस्तै असार १८ गते नागरिक लगानी कोषले २६ औं साधारणसभा बोलाएको छ । कोषले आर्थिक वर्ष २०७६÷०७७ को मुनाफाबाट ९ प्रतिशत बोनस र कर प्रयोजनसहित ८.८९ प्रतिशत नगद लाभांश दिने प्रस्ताव गरेको छ । असार ८ गते नै बुक क्लोज गरिसकेको छ ।
नेपाल एग्रो लघुवित्तले असार २१ गते पाँचौ बार्षिक साधारणसभा बोलाएको छ । कम्पनीले आव २०७६-०७७ मुनाफाबाट १४ प्रतिशत बोनस र कर प्रयोजनको लागि ०.७३ प्रतिशत नगद लाभांश दिने प्रस्ताव गरेको छ । साथै उक्त साधारणसभाले इन्फिनिटी लघुवित्तलाई प््राप्ति गर्ने प्रस्ताव गरेको छ । साधारणसभा प्रयोजनको लागि असार २१ गते नै बुक क्लोज रहेको छ ।
असार २१ गतेको लागि जनरल इन्स्योरेन्सले असार २१ गतेको लागि तेस्रो साधारणसभा बोलाएको छ । कम्पनीले लेखा परीक्षक नियुक्त गर्ने र निजको पारिश्रमिक तोक्ने प्रस्ताव लागेको छ । यस्तै असार २३ गते सानिमा जनरल इन्स्योरेन्सले तेस्रो साधारणसभा बोलाएको छ । अहिले कम्पनीले कुनै पनि लाभांशको प्रस्ताव ल्याएको छैन । यस्तै युनियन हाईड्रोपावरले असार २५ गते १३ औं र १४ औं साधारणसभा गर्न लागेको छ । कम्पनीले पनि लगानीकर्तालाई लाभांशको प्रस्ताव ल्याएको छैन ।
असार २५ गते साधारणसभा बोलाएको कर्पोरेट डेभलपमेन्ट बैंकले १३ औं साधारणसभा उपयुक्त बैंक तथा वित्तीय संस्थासँग मर्जर तथा प्राप्तिको प्रस्ताव लैजाने भएको छ । असार २९ गते साधारणसभा गर्न लागेको राधी विद्युत कम्पनीले आव २०७६-०७७ को मुनाफाबाट ३६.५ प्रतिशत बोनस र बोनसपछि चुक्ता पुँजीबाट १४७.५२ प्रतिशत हकप्रद सेयर निष्काशन गर्ने प्रस्ताव लैजाने भएको छ । यसको लागि असार १५ देखि २९ गतेसम्म बुक क्लोज गर्ने भएको छ ।
असार ३० गते सगरमाथा इन्स्योरेन्सले २४ औं साधारणसभा बोलाएको छ । कम्पनीले आव २०७६-०७७ को मुनाफाबाट ११ प्रतिशत बोनस र कर प्रयोजनको लागि ०.५७ प्रतिशत नगद लाभांश दिने प्रस्ताव लैजान लागेको छ । यसको लागि असार १७ देखि ३० गतेसम्म बुक क्लोज रहेको छ ।
असार ३१ गते आँधिखोला लघुवित्त र नेको इन्स्योरेन्सले साधारणसभा बोलाएका छन् । आँधिखोलाले लाभांशको प्रस्ताव गरेको छैन भने नेकोले आव २०७६-०७७ को मुनाफाबाट १५.५ प्रतिशत बोनस र कर प्रयोजनको लागि ०.८२ प्रतिशत लाभांश दिने प्रस्ताव लैजान लागेको छ । त्यसको लागि असार १८ देखि ३१ गतेसम्म बुक क्लोज गर्ने भएको छ ।
वि.सं.२०७८ असार १५ मंगलवार १३:२६ मा प्रकाशित
