काठमडौं । सिभिल बैंकको एटीएम सेवा दुई दिन अवरुद्ध हुने भएको छ । बैंकले एटीएम स्तारोन्नति गर्न लागेकाले सेवा अवरुद्ध हुने भएको हो ।
एक सूचना निकाल्दै बैंकले असार १६ गते साँझ ५ देखि १८ गते साँझ ५ बजेसम्म एटीएम सेवा ( एटीएम, पिओएस पेमेन्ट समेत) पूर्ण रुपमा बन्द हुने जानकारी गराएको छ ।
साथै एटीए टर्मिनल हरु पनि क्रमवद्ध रुपमा माइग्रेसन गर्नुपर्ने भएकाले असार १८ गतेदेखि मसान्तसम्म अवरुद्ध हुन सक्ने बैंकले सूचनामा उल्लेख गरेको छ ।
उक्त अवधिमा बैंकका एटीएम कार्ड हिमालयन बैंकको एटीएम टर्मिनलहरुबाट निर्वाध रुपमा निःशुल्क प्रयोग गर्न सकिने र अन्य विदेशी वित्तीय संस्थाहरुको एटीएम टर्मिनल हरुबा पनि उक्त सेवा बढीमा चारपटकसम्म निःशुल्क उपभोग गर्न सकिने बैंकले जनाएको छ ।
यस्तै, बैंकको कार्डलेस क्यास सुविधा अर्को सूचना जारी नभएसम्मका लािग स्थगित गरिएको जनाएको छ ।
हेर्नुहोस्, सूचना
वि.सं.२०७८ असार १५ मंगलवार १३:२२ मा प्रकाशित
