काठमाडौं । नेपाल धितोपत्र बोर्डका अनुसार आर्थिक वर्ष २०७७-७८ मा १ खर्ब ७ अर्ब ३९ करोड २० लाख ३२ हजार १२५ रुपैयाँको सार्वजनिक निष्काशनको लागि अनुमति पाएका छन् ।
सार्वजनिक निष्काशनमा यो ऐतिहासिक रेकर्ड हो । बोर्डका अनुसार ५७ वटा सूचीकृत संगठित संस्थाको १ खर्ब ७ अर्ब ३९ करोड २० लाख ३२ हजार १२५ रुपैयाँको सार्वजनिक निष्काशनको लागि अनुमति पाएका हुन् ।
अनुमित पाउने अधिकांश कम्पनीले सार्वजनिक निष्काशन गरिसकेका छन् । केहिले गरिरहेका छन् भने केही कम्पनी निष्काशनको तयारीमा रहेका छन् । बोर्डका अनुसार १८ वटा कम्पनीले आईपीओ, मूचुअल फण्ड ९ वटा, हकप्रद ७ वटा र २३ वटा कम्पनीले ऋणपत्र निष्काशनको अनुमति पाएका हुन् ।
बोर्डका अनुसार १८ वटा कम्पनीले १४ अर्ब ३४ करोड २३ लाख २५ हजार १०० रुपैयाँ आईपीओ निष्काशन गर्न अनुमति पाएका छन् । त्यस्तै २३ वटा कम्पनीले ६९ अर्ब ६० करोड रुपैयाँको ऋणपत्र निष्काशन गर्नको लागि बोर्डबाट अनुमित पाएका छन् ।
बोर्डबाट ९ वटा कम्पनीले ९ अर्ब ४० करोड रुपैयाँको म्यूचुअल फण्ड निष्काशनको लागि पनि अनुमति पाइसकेका छन् । ७ वटा कम्पनीले १४ अर्ब ४ करोड ९७ लाख ७ हजार २५ रुपैयाँको हकप्रद सेयर निष्काशनको लागि बोर्डबाट अनुमति पाएका छन् ।
आईपीओ निष्काशनको लागि अनुमति पाएका मध्ये तेह्रथुम पावर कम्पनी, यूनियन लाइफ इन्स्योरेन्स र मध्य भोटेकोशीले सर्वसाधारणको लागि सार्वजनिक निष्काशन गर्न बाँकी रहेको छ । मनकामना स्मार्ट लघुवित्तले आज देखि आइपीओ निष्काशन गरेको छ ।
वि.सं.२०७८ असार १७ बिहीवार १२:२८ मा प्रकाशित