काठमाडौं । आइएमई जनरल इन्स्योरेन्स र शंखरापुर नगरपालिकाबीच सम्पूर्ण निर्जीवन बीमासेवा सम्बन्धि सम्झौता भएको छ ।
उक्त सम्झौता पश्चात शंखरापुर नगरवासीको भौतिक सम्पत्ति, बालिनाली, पशुपन्छीतथा कृषकहरुको व्यक्तिगत दुर्घटनाबीमा गराउने भएको हो ।
उक्त सम्झौतापत्रमा आइएमई जनरल इन्स्योरेन्सका प्रमुख कार्यकारी अधिकृत युगेश भक्तबादे श्रेष्ठ र शंखरापुर नगरपालिकाको तर्फबाट नगर प्रमुख सुवर्ण श्रेष्ठले हस्ताक्षर गर्नुभयो ।
नगरपालिकामा रहेका सम्पूर्ण कृषकहरुले आफनो पशुपन्छी तथा बालिनालीको बीमा ढुक्कसँग आइएमई जनरल इन्स्योरेन्सबाट गर्नसक्ने छन् भने नगरवासीको भौतिक सम्पत्ति, कृषकहरुको बालिनाली,पशुपन्छीतथा कृषकहरुको व्यक्तिगत दुर्घटना बीमागराउने प्रतिवद्धतासहित काठमाडौंँ जिल्लामा नै नमूना नगरापालिकाको रुपमा आफूलाई स्थापित गरेको छ ।
सोही अवसरमा नगर प्रमुखश्री श्रेष्ठले नगरावासी कृषकहरुको पशुपन्छी, बालिनालीको बीमापश्चात कुनै कृषकको बीमा गरिएको कुनै पनि सम्पत्तिको हानी नोक्सानी भएमा क्षतिपूर्ति तुरुन्त प्राप्त गर्न सकिने बताउनुभयो ।
उहाँले नगरपालिकाले आइएमई जनरल इन्स्योरेन्स लिमिटेडसँग सम्झौता गरी व्यवस्था मिलाएको हुनाले कृषकहरुले आफनो सम्पत्तीको बीमा गरी ढुक्क भएर पशुपन्छी पालनलयागत कृषि उपजमा व्यक्तिगत र व्यावसायिक रुपमा लगानी गरी उत्पादन वृद्धि गर्नका लािग अनुरोध गर्नुभयो ।
इन्स्योरेन्स कम्पनीले शंखरापुर नगरपालीकाले कृषकहरुको सामूहिक हित हुने गरी कम्पनीसँग बीमा गर्ने अवसर प्रदान गरेकोमा नगरवासीहरुलाई उच्च कोटीको बीमा सेवा प्रदानगर्ने प्रतिवद्धता व्यक्त गरेको छ ।
वि.सं.२०७८ असार १७ बिहीवार १२:३५ मा प्रकाशित