काठमाडौं । नेपाल उद्योग वाणिज्य महासंघले आगामी मौद्रिक नीतिका लागि अनलाइन भुक्तानीलाई प्रोत्साहन गर्न तथा बैंकहरुमा भौतिक उपस्थिति कम गरी कोभिड संक्रमण कम गर्न अन्तर बैंक एटीम प्रयोग तथा अनलाइन भुक्तानीलाई सहज बनाउन यसमा लाग्ने शुल्क घटाउनुपर्ने सुझाव दिएको छ ।
सुशासन कायम गर्न समेत महत्वपूर्ण हुने भएकोले सरकारी सेवाको भुक्तानी गर्दा सेवाग्राही र सेवा प्रदायकबीच भौतिक सम्पर्क नहुने गरी भुक्तानी प्रणालीको विस्तार एवं व्यवस्थित गरिनुपर्ने महासंघको सुझाव छ ।
यस्तै, महासंघले कर्जालाई डिजिटल माध्यमबाट समेत उपलब्ध गराउने गरि हाल केहि बैंकले शुरु गरेको कर्जा सुविधाको विस्तारका लागि आवश्यक नीतिगत एवं पूर्वाधार विकास गर्नुपर्ने सुझाव पेश गरेको छ ।
आगामी मौद्रिक नीतिका लागि महासंघले दिएको सुझावको पूर्णपाठ हेर्नका लागि यहाँ क्लिक गर्नुहोस्
वि.सं.२०७८ असार २० आइतवार १८:२० मा प्रकाशित
