काठमाडौं । सरकारले आगामी आर्थिक वर्षमा बीमाको पुहँच ३३ प्रतिशत जनसंख्यामा पुर्याउने भनेपछि बीमा समिति देशब्यापी सचेतना अभियानमा जुटेको छ ।
अहिले महोत्तरी जिल्लाको जलेश्वर नगरपालिका र मटिहानी नगरपालिकामा बीमा सम्बन्धी सचेतना कार्यक्रम चलिरहेको छ ।
दुवै पालिकामा जनप्रतिनिधि, पत्रकार, महिला समूह, उद्योग वाणिज्य संघ, बीमकका शाखा प्रमुख प्रतिनिधिहरु, वित्तीय संस्थाको प्रतिनिधिहरु, कृषक प्राविधिक, अगुवा कृषहरु तथा सरोकारवाला निकायलाई राखेर सचेतना कार्यक्रम भएको बीमा समितिका सहायक निर्देशक पूर्ण थापाले बताउनुभयो ।
सचेतना कार्यक्रममा जीवन बीमा, पशुपन्छि बीमा, सम्पत्ती बीमा, कृषि बीमाका विषयमा छलफल भएको छ । सचेतना कार्यक्रममा समितिले
आवश्यकताकमा आधारमा सबैखाले बीमा गरेर लाभ लिनको लागि न्यून आए भएका मानिस, कृषक लगायत सबैलाई आग्रह गरेको छ । अहिले गाउँ गाउँमा बाली बीमाको समस्या रहेको छ । अब सबैले बीमा बीमामा पनि सहभागी हुन र बीमा कम्पनीलाई पनि यसमा ध्यान दिनको लागि सचेतना कार्यक्रममा आग्रह गरिएको छ ।
कार्यक्रममा बीमा समितिका अधिकारीहरुले बीमाको लागि सरकारले दिएको सहुलियतको बारेमा पनि जानकारी गराइएको छ । यसको लागि जिल्लामा रहेका शाखा कार्यालयहरुलाई पनि अधिकतम मानिसलाई बीमाको दायरामा ल्याउन, त्यसको लागि सचेतना गर्न गराउन भनिएको छ ।
बीमा समितिले यी दुई पालिकाबाट सचेतना कार्यक्रम सुरु गरेको छ । आगामी आव भरी नै यस्ता कार्यक्रमलाई निरन्तरता दिने बताइएको छ ।
वि.सं.२०७८ असार २२ मंगलवार १२:२९ मा प्रकाशित