काठमाडौं । आउँदो असार ३० गते सगरमाथा इन्स्योरेन्सले २४ औं साधारणसभा बोलाएको छ । कम्पनीले उक्त दिन भर्चुअल माध्यमबाट सभा गर्ने भएको हो ।
कम्पनीको सभाले आर्थिक वर्ष २०७६/०७७ को मुनाफाबाट ११ प्रतिशत बोनस र कर प्रयोजनको लागि ०.५७ प्रतिशत नगद लाभांश दिने प्रस्ताव पारित गर्ने छ ।
सोही अवसरमा कम्पनीबाट सामाजिक संघसंस्थालाई आर्थिक सहायता प्रदान गर्दा भएको १६ लाख रुपैयाँ खर्चको अनुमोदन गर्ने भएको छ ।
सभाले आवको २०७६/७७ को वार्षिक प्रतिवेदन पारित, लेखा परिक्षकको प्रतिवेदनसहितको वासलात, नाफ नोक्सान हिसाब र नगद प्रवाह विवरण तथा सो संग सम्वन्धित अनुसूचीहरु पारित गर्नुका साथै लेखा परिक्षकको नियुक्ति र निजको पारिश्रमिक तोक्ने छ ।
कम्पनीले सभा प्रयोजनका लागि असार १७ देखि ३० गतेसम्म बुक क्लोज गर्ने भएको छ ।
वि.सं.२०७८ असार २२ मंगलवार १३:०१ मा प्रकाशित
