काठमाडौं । साताको अन्तिम कारोबार दिन सुनको मूल्य उकालो लागेको छ । नेपाली बजारमा आज छापावाला सुनको मूल्य तोलामा १ सय रुपैयाँले वृद्धि भएको हो ।
नेपाल सुनचाँदी व्यवसायी महासंघका अनुसार आजका लागि प्रतितोला ९२ हजार ४ सय रुपैयाँमा कारोबार हुने मूल्य निर्धारण गरेको छ । अघिल्लो दिन ९२ हजार ३ सय रुपैयाँमा कारोबार भएको थियो ।
महासंघले आजका लागि तेजावी सुनको मूल्य ९१ हजार ९ सय रुपैया तोकेको छ । अघिल्लो दिन ९१ हजार ८ सय रुपैयाँमा खरिदबिक्री भएको थियो ।
यस्तै, आज चाँदीको मूल्यमा भने गिरावट आएको छ । अघिल्लो कारोबार दिन १३ सय १० रुपैयाँमा कारोबार भएको चाँदी आज ५ रुपैयाँले घटेको हो । महासंघले आजका लागि चाँदी मूल्य १३ सय ५ रुपैयाँ कायम भएको जनाएको छ ।
वि.सं.२०७८ असार २५ शुक्रवार १०:५० मा प्रकाशित
