काठमाडौं । प्रिमियर इन्स्योरेन्स कम्पनी (नेपाल)को संस्थापक सेयर लिलामीमा आवेदन दिने आज अन्तिम दिन रहेको छ ।
असार १६ गतेदेखि बिक्रीमा खुला गरेको कम्पनीको ५ लाख ४८ हजार २५ कित्ता सेयर लिलामीमा आज बैंकिङ कारोबार समयसम्म आवेदन दिन सकिने छ ।
उक्त सेयरको प्रतिकित्ता न्युनतम मूल्य ६ सय रुपैयाँ तोकिएको छ । आवेदन दिदाँ उक्त मूल्य भन्दा बढी अंकित गरी पेश गर्नुपर्ने छ ।
खरिद गर्न योग्य इच्छुक विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सकिने छ । बिक्री प्रबन्धकमा एनआईसी एशिया क्यापिटल रहेको छ ।
उक्त सेयर खरिदका लागि न्यूनतम ५ सय कित्ताको लागि आवेदन दिनुपर्ने छ । भने अधिकतम सेयर संख्याका लागि कुनै हद नलाग्ने कम्पनीले जनाएको छ ।
वि.सं.२०७८ असार २५ शुक्रवार ११:४४ मा प्रकाशित
